FNP hellet histoarysk ferkiezingsresultaat

FNP foarsitter Nynke Beetstra neamt yn in earste reaksje de útslach fan de riedsferkiezings 'histoarysk'. De FNP is yn twa gemeenten de grutste wurden en dat is noch net earder foarkaam. De minsken witte wat se oan de FNP hawwe seit Beetstra. Tsjin it lanlik geweld yn hawwe wy hiel goed skoard.

De lokale ferkiezingspunten betelje har no út. Dizze punten binne oars ynbêde yn in breder programmatysk kader. De minsken witte dat de FNP ek as provinsjale partij hiel goed meidocht.

It Haadbestjoer fan de FNP betanket alle partijleden en kiezers dy't wer in bealch fol wurk hân hawwe oan dizze ferkiezings.

It stribjen wie fan 44 riedssitten oer de 50 hinne te gean en dat is helle. No't de FNP yn Skarsterlân en Gaasterlân-Sleat sels de grutste partij wurden is sil de FNP de foarstap nimme ta de kolleezjefoarming. Yn oare gemeenten lykas Ferwerderadiel, Achtkarspelen, Dongeradiel en Tytsjerksteradiel is de FNP no twadde partij, wat ek útsjoch jout op wethâldersitten.

FNP foarsitter Nynke Beetstra:   ' Histoaryske ferkiezingen no't de FNP yn twa gemeenten de grutste wurden is.'   Reaksje? Mail: taalwurkfryslan@hetnet.nl